EL ME PICOLO MONDO

Me rifujo nel me picolo mondo
fato de robe che go rancurā...
de le palanche che, ormi, no val pė,
l'orologio de me nono Pascuale,
el sventolon de me nona Carmela,
la tabachiera de me zia Giovana,
la pipa co'l tabaco de Nanin;
piegā e maciā de vin on bel santin,
de le foto de picoli e de grandi
duri e inpalā che i pare ligā...
Po', na foto d'alpin che beve vin.
E lė, ritorno da novo a vivare,
passo le ore e me mesmentego el mondo;
me sento e torno putelo e felisse,
par drento me ciāpa sogni e ricordi
che me vien su come bole che boje...
E quando ritorno quelo de prima
me se destua el me picolo mondo,
e sento drento on scuro profondo!...  

Autore Bruno Scarpa di Boscochiaro di Cavarzere

 

TORNA A    Pagina precedente