EL CANTO DEI CANTI

Tute le robe che ghe xe a sto mondo
le xe el canto dei canti de la vita!
Basta fermarse on fià par meditare
so'n fiore, on oseleto, na fromiga,
on lièvore che core sora on pra,
...so i buti che se verze par la vita,
le piante che s'infoja in primavera,
sol roegio de bissi in meso l'erba.
O vardare la tera, el sielo, l'acoa,
che spande colorati archibaleni,
o védar tuti i monti za sbiancà
che pare dei nissoi che xe sbregà,
...El dì, l'azuro, el sole che te scalda,
la sera che te sogni co' la luna
e co' le stele che te canta amore
e le dolcesse che te fa chietare
e te rilassa e torni ancor putelo,
a le caresse dolse de to mama
che canta le soave nine nane
co'n i canti dei canti de la vita
e t'inonda in te on mare de belesse! »...

 

                             

 

Traduzione di alcune parole:

Lièvore = Lepre
Buti = Germogli
Roegio = Groviglio
Bissi = Insetti
Nisoi = Lenzuola

 

Autore Bruno Scarpa di Boscochiaro di Cavarzere

 

TORNA A    Pagina precedente