Lassù nel cielo sereno
senza bava, senza vento
ogni merlo tuto bianco
el svolava assé contento.

E la merla andava in giro
par trovar de la granela
par sfamar la so sgnarà
e la gera bianca e bela.

Ghe pareva che zenaro
ghesse el fià ormai conta,
ma zenaro gà capio...
vendicarse gà pensa.

A febraro, tuto festa,
domanda el ga tre dì...
e febraro generoso,
ghe i gà dai li per li...

Ma se leva na bufera:
neve, fredo e vento bogia
e la merla imatunia
de svolar no ga pi vogia.

Par poderse repossare
la va zo, zo par on camin
tuto nero infumegà
e la trova on postesin

Xe passà tre lunghe note,
xe passà tre lunghi dì:
finalmente vien bonassa
e la merla intanto uscì

Oci strachi, tuta nera...
ela fis-cia ai so putini
bianchi i merli core a ela...
pò va via i so oseini...

E la merla ziga e fis-cia
vostra mare si sò mi...
infumegà me ga el camin
vegnù tuti a mi vicin!

Nostra mare no te sì..
El destin sà vendicà
parché da lora ogni merlo
el xe nero deventà!